Өндөр настай хар дом буцалгагч хөгшний ганц охинтой залуу насандаа ханилан суух гэж байснаа жирэмсэн болгоод хаясан сумын ганган залуу өөр нэгэн бүсгүйтэй гэрлэж зургаан хүүхдийн эцэг эх болох ч хүүхдүүд нь тогтдоггүй бүгд л ямар нэгэн байдлаар бурхны орныг зорьдог. Учир шалтгаан нь өндөр наст эмгэн байх агаад тухайн үедээ залууд хийсэн хар домын шившлэг залуугийн насан туршид түүний үр хүүхдэд дагалдаж мөн эмгэний өөрийн удам сударт эргээд ямар нөлөө үзүүлж байгаа талаар гарна. Мөн жам бусаар насан хутгийг олсон хүн хаачдаг вэ? Үнэхээр хүнд сүнс гэж байдаг уу, завсрын ертөнц оршдог уу. Албин тийрэн, хорлонт сүнс гэж үнэхээр байдаг уу, байдаг бол тэд хаана хэрхэн оршиж хүн төрөлхтөнд ямар гай тарьдаг бол тэднийг дийлэх тэнгэрийн хүч үнэхээр байдаг уу гэдгийг уран сайхны аргаар харуулахыг зорьсон.